Aleksander Zahl Tarberg

Dagleg leiar

Aleksander er dagleg leiar og medeigar i bedrifta. Han har har ingeniørutdanning frå Universitetet i Bergen, og har samstundes med jobb teke master i planlegging ved Høgskulen i Volda. Aleksander har 6 års erfaring frå byggesak, plan og eigedom for Herøy kommune, og 4 års erfaring frå anleggsbransjen som tilsett i B.Tarberg AS før han starta som dagleg leiar i firma. 

Aleksander jobbar med det aller meste av administrativt arbeid i bedrifta, i tillegg til oppfølging av prosjekt.  

Bjarne Rasmus Tarberg

Fagleg leiar anleggsprosjekt, sprenging 

Bjarne er hovudaksjonær, styreleiar og grunnleggar av B.Tarberg AS. Han har arbeidd i anleggsbransjen heile sitt vaksne liv. Bjarne starta B.Tarberg AS, og var dagleg leiar fram til 2016, då eldste sonen Aleksander tok over.

Han køyrer lastebil, gravemaskin, knuser stein, og er skytebas. Bjarne følger opp, og kvalitetsikrer prosjekta til føretaket.

Bjarne har fagbrev og sprengingssertifikat. 

Kristoffer Tarberg

Fagleiar service og reparasjon, VA-ansvarleg

Kristoffer er fagleiar for service og reparasjon, rørlegging og graving/knusing og masseproduksjon. Medeigar i bedrifta. 
Han har vidaregåande utdanning i arbeidsmaskiner frå Ørsta vgs, samt kurs og kompetanse innanfor ADK1-kurs for rørlegging, VA og rørarbeid, sertifiseringskurs elektrosveis, sveissertifiserting og legging av vatn- og avløpsledningar. Kristoffer er verneombud i bedrifta. 

Han har jobba i B.Tarberg AS sidan 2008.

Kåre Seljeseth

Gravemaskinsjåfør

Kåre starta å arbeide for Bjarne allereide i 1986, året før B.Tarberg AS såg dagens lys. Han hadde då akkurat flytta frå Nordfjordeid til Gursken. Han har vore ansatt sidan! Kjent for sin presisjon med gravemaskina! På fritida vil han helst køyre longe turar med motorsykkelen sin.

Kåre har fagbrev og lang erfaring med dei fleste typar grunnarbeid. 
Spesialkompetanse innanfor muring og krevjande arbeid med grunnarbeid i sjø. 

Terje Andrè Yksnøy

Lastebilsjåfør

Terje er fast sjåfør på vår Scania-lastebil. Ein påliteleg og triveleg kar som leverer raskt heim til deg ved behov. Terje har jobba i bedrifta sidan 2009, og er lidenskapleg oppteken av lastebilen og sørger for rask og presis levering. Han starta karriera si som yrkessjåfør i 1994.

Terje har fagbrev og transportleiar.